首页 > 名报 > 太阳报

鳳凰客勝追得過

2020-07-31 11:04:39
西流莫財軍心散渙
澳職周五有西悉尼流浪者主場迎戰威靈頓鳳凰,客軍威靈頓鳳凰復賽後表現不俗,現時排聯賽榜次席,出戰季後賽形勢大好,相反主隊西悉尼流浪者受到內憂外患困擾,近年對賽又被鳳凰食住,客勝值得支持。

(myTV Gold 302、Now639、有線655、615台周五下午5時30分直播)

威靈頓鳳凰喺澳職重開後,除首仗不敵1哥FC悉尼,近2場取得1勝1和成績,上場基於賽程密集,收起6位主將,派出球會史上最年輕陣容出戰,結果只因完場前12碼宴客而未能擊敗阿德萊德聯,整體演出仍相當理想。上輪休息嘅前鋒大衞波爾、中場甘馬倫戴夫連及後防迪維利今場將會復出,德國中場馬迪史甸文又停賽刑滿,養精蓄銳可望以最佳狀態出戰。

近4次對賽贏晒
西悉尼流浪者目前排聯賽第9位,仍有機會爭入前6名出線季後賽,但復賽後唯一一仗對住包尾嘅中岸水手,亦只能以1比1逼和對手。事實上,西悉尼流浪者目前存在好多不穩定因素,尤其球隊面臨財政困難,兩大主力祖文及米歇爾杜基季尾約滿後,盛傳極大機會離隊影響軍心,加埋贊積杜域、丹尼爾盧柏唔出得,真係問題重重。況且西悉尼流浪者過去4次對住威靈頓鳳凰全敗,今場追客勝好路。

【元老级足球专家、篮球专家重心推介】