首页 > 名报 > 太阳报

拜仁W放心捧

2021-02-23 09:45:11
拉素實力經驗有距離
歐聯16強首回合,拉素主場迎戰拜仁慕尼黑,雙方無論實力或經驗都有明顯距離,上屆冠軍拜仁在歐聯賽場所向披靡,近17場歐聯取得16勝1和。拉素在分組賽6戰僅2勝4和,勉強出線,級數上不能與這支德甲班霸相比,直取拜仁慕尼黑客勝。

(Now 644、有線661及601台周三凌晨4時直播)

意甲嘅拉素近年多數踢歐霸盃,今屆係佢哋自1999至2000年球季後,首次進身歐聯淘汰賽,喺呢方面經驗遠遠比唔上曾經6奪歐聯冠軍嘅拜仁。事實上,拉素喺分組賽表現亦乏善可陳,6戰僅取得2勝4和,但佢哋好命抽到靚籤,組內有兩支弱隊辛尼特、布魯日墊底,分組賽期間就算隊內爆發疫情都出線16強,只因對手更弱,但一到淘汰賽就遇上歐聯「Big Boss」,反差實在太大,恐怕難有運行。

陣容勁爆 梅拿柏華特中招未驚過
拜仁早前奪得世冠盃冠軍,成為繼巴塞後史上第二支「6冠王」,實力大超班。這支德甲班霸屬於歐聯常客,過去9屆歐聯有8屆最少入到8強,其中3屆打入決賽。拜仁沿用上季班底,可以保持強勢,射手羅拔利雲度夫斯基今季狀態仍然出色,各項賽事已經合共射入超過30球,加上基拿比、京士利高文亦有數胡能力,中場前火力全開,雖然佢哋近期爆發疫情,湯馬士梅拿、班捷文柏華特相繼確診,但哥列斯卡同查維馬天尼斯已康復可候命,相信今場作客都會主攻。

值得一提,拜仁對上一次歐聯輸波,已經係2019年3月不敵利物浦,之後17場歐聯獲得16勝1和,當中打和的1場是今屆在提早取得小組首名資格情況下,有所留力先會同馬體會踢成1比1。拜仁只要今場發揮正常水平,首回合贏波絕非難事。

【元老级足球专家、篮球专家重心推介】