首页 > 波经 > 球员杂志

云邦贺斯初闻警报声

2020-08-01 13:44:13
photo_1511243.jpg
云邦贺斯显然有少少低估咗中超嘅难度。 中超新赛季顺利开启后,有半数球队已经战罢两轮,其中当然系有人欢喜有人愁,而广州富力则毫无疑问系充满烦恼嘅一方。

喺年头同已经打下烙印嘅主帅D.史杜高域(Dragan Stojkovic)分道扬镳之后,荷兰名将云邦贺斯(Giovanni van Bronckhorst)嘅上任一度令到广州富力上下充满期待。但喺新赛季两轮赛事过后,喺呢位荷兰教头身上已经出现咗唔少问号,甚至更加已经有一丝「炒鱿」嘅味道。

防守不力一直系广州富力挥之不去嘅老毛病,过往喺D.史杜高域提倡嘅进攻哲学下,佢哋尚且可以用出色嘅进攻端表现稍为掩盖一下防线嘅不济。但战绩嘅每况愈下,加上上季全中超最高嘅72个失球都令富力管理层选择咗改变。但喺2020赛季嘅头2场广东打比上,富力先系以0比3惨败俾深圳佳兆业,继而又遭到同市老大哥广州恒大送出「五」羊开泰。两轮联赛落嚟,0入球8失球,如此表现实在唔难理解富力官方社交平台都被粉丝们一致怒斥。

老实讲,以目前富力嘅班底去为难带队唔算耐嘅云邦贺斯实在有点儿唔公平。向来以精打细算追求性价比而著称嘅富力管理层为补强防线,引入嘅如陈哲超等都系得啖笑,而曾经都算得上系一大遮丑布嘅唐淼亦越踢越沉。至于一向令富力球迷引以为傲嘅攻击线如今亦显得无以为继,沙希域喺前场孤军作战,本土球员则无一可以为佢分忧解难。

从头2场联赛去睇,云邦贺斯嘅战术显然未能喺中超奏效,已经陷入攻又唔得守又唔得嘅尴尬局面。如果呢位荷兰教头无办法尽快痛定思痛带领球队重返正轨嘅话,接下来富力球迷恐怕会听到更多类似「广州无打比,咸菜返屋企」嘅奚落,届时富力管理层会做出任何决定都唔会太过意外。


【元老级足球专家、篮球专家重心推介】